• Era e keqe e gojës në mëngjes, që është e shpeshtë, dhe shkaktohet nga fermentimi i mbeturinave ushqimore gjatë natës.
• Era e keqe e gojës e vërtetë, e cila është pasojë e një sërë faktorësh.

Shkaqet e erës së keqe të vërtetë të gojës janë:

• Popullimi nga bakteriet si pasojë e higjienës së keqe të dhëmbëve dhe të gojës
• Stresi
• Temperatura e lartë
• Inflamacioni i mukozës (pjesës së brendshme) të gojës
• Inflamacioni dhe gjakderdhjet nga mishrat e dhëmbëve (gingiviti)
• Infeksionet nga kërpudhat
• Çrregullimet e aparatit të tretjes, si psh. popullimi i mukozës së stomakut nga helikobakteriet.
• Mosngrënia (siç ndodh gjatë agjërimit dhe kreshmës)
• Frymëmarrja me gojë në rastin e pranisë së polipeve të hundës (mishit të huaj në hundë)
• Gërrhitja
• Shtypja e mishrave të dhëmbëve nga protezat e tyre.
• Përdorimi i disa medikamenteve
• Konsumi i disa ushqimeve, si hudhrat, qepët, etj.   

Sëmundjet mjekësore që mund të shoqërohen me erë të keqe të gojës janë: 

• Diabeti i sheqerit
• Insufuçienca e veshkave (prishja e funksionit të tyre)
• Kanceri i rrugëve të frymëmarrjes
• Sëmundjet e mëlçisë
• Difteria
• Inflamacionet e grykës, inflamacionet kronike të bajameve
• Pielonefriti kronik (infeksioni në veshka)
  

Personat me erë të keqe të frymës (halitosis) ankojnë për: 

• Shije dhe aromë të pakëndshme në gojë
• Gjuhë të veshur me shtresë të bardhë 

Simptoma të tjera

• Prania e qeseve dhe pikave të bardha në brendësi të mukozës (pjesës së brendshme) të gojës.
• Zmadhimi i nyjeve limfatike  
• Dhimbje në gojë
• Dhimbje në grykë
• Temperaturë e lartë
  

Vendosja e diagnozës së erës së keqe të frymës (halitosis) bazohet në:

• Simptomat e pacientit dhe historinë e shfaqjes së tyre
• Praninë e sëmundjeve shoqëruese.
• Vlerësimin nga disa persona të ajrit të nxjerrë nga goja.
• Dozimin e perzierjeve sulfurike, duke përdorur një aparaturë të posaçme, të quajtur halimetër.
• Testin e shpejtë, nëpërmjet marrjes së materialit në gjuhë.
• Vlerësimin e shkallës së vetëvlerësimit, nëpërmjet plotësimit të një pyetësori.

Aroma e pakëndshme e gojës ose frymës vazhdon të mbetet një fenomen tabu. Kjo nuk duhet t’i frenojë personat që e konstatojnë atë tek vetja, që të konsultohen me mjekun. 

• Të evitojë përdorimin e antibiotikëve gjatë tre javëve të  fundit.
• Të evitojë konsumin e hudhrave dhe qepëve gjatë dy ditëve të fundit para vlerësimit.
• Në ditën e egzaminimit duhet të evitojë konsumin e produkteve që përmbajnë mentol, të nikotinës dhe alkoolit, si dhe përdorimin e produkteve kozmetike që përmbajnë alkool.
• Katër orë përpara egzaminimit nuk duhet të konsumojë asnjë ushqim, asnjë lëng dhe të mos kryejë asnjë proçedurë për higjienën e gojës.
  

Trajtimi i erës së keqe të gojës ose frymës konsiston në eleminimin e faktorëve shkaktarë të saj. Ai përfshin:

• Përmirësimin e higjienës së gojës dhe të dhëmbëve, me pastrim të kujdesshëm të hapësirave ndërmjet tyre.
• Egzaminimin e plotë të dhëmbëve dhe trajtimin e tyre në rastet e nevojshme.
• Kujdesin e rregullt për dhëmbët, me furçë personale dhe solucione dezinfektante për mishrat e dhëmbëve.
• Kontrollin tek një mjek specialist ORL (otojatër), me egzaminim të kujdesshëm të grykës dhe trajtimin e përshtatshëm kur është i nevojshëm.
  

Parandalimi i shfaqjes së erës së keqe të gojës ose frymës (halitosis) konsiston në: 

• Kontrollet e rregullta të dhëmbëve tek dentisti, me trajtimin e tyre kur është e nevojshme.
• Higjiena e rregullt e dhëmbeve, me pastrimin e hapësirave ndërmjet tyre.
• Pastrimi i gjuhës
• Përdorimi i çimçakizave dhe karameleve freskuese.
• Shpëlarjet e gojës me solucione të përshtatshme dezinfektuese.
• Ndërprerja e duhanit dhe alkoolit
• Studimet e kohëve të fundit kanë treguar që kosi natyral ndikon pozitivisht në balancimin e florës bakteriale të gojës (bakterieve që e popullojnë normalisht gojën).