Bëhet fjalë për një dëmtim të pjesës cervikale (zonës së qafës) të shtyllës kurrizore, që mund të prekë si kockën, ashtu edhe indet e buta.

Shpesh, këto tipe traumash janë pasoja të aksidenteve, gjatë të cilave pjesa e qafës e shtyllës kurrizore mund të dëmtohet nga një goditje që vjen nga pas dhe/ose nga një refleks i tepruar i mbrojtjes, siç ndodh zakonisht gjatë aksidenteve me makinë.

Menjëherë pas aksidentit simptomat mund të jenë të parëndësishme, ose të mos egzistojnë fare. Megjithatë, është e rëndësishme që pas çdo aksidenti, personi i aksidentuar të konsultohet me një mjek.

Përkulja ose shtrirja e papritur e pjesës së qafës të shtyllës kurrizore mund të ndodhë gjatë situatave të tilla, si:

• Aksidentet me makinë
• Zhytjet në ujë
• Boksi
• Aktivitetet sportive, si karate, xhudo, mundje, etj.
• Motorçikletat e vogla (skuter)

Simptomat shfaqen shpesh nga disa orë deri në disa ditë pas aksidentit.

Zakonisht, periudhat me shqetësime alternohen me periudha të qeta, pa asnjë shqetësim. Në rastin e traumave të lehta, simptomat mund të përmirësohen pas disa javësh. Megjithatë, tek disa persona, simptomat mund të vazhdojnë më gjatë, madje edhe të përkeqësohen. Përgjithësisht, ato janë të tipit:

• Dhimbje e qafës
• Dhimbje e kokës
• Kontraktura të muskujve të qafës

Simptoma të tjera shoqëruese mund të jenë:

• Çrregullimet e shikimit
• Marrje mendsh
• Zhurmë në vesh
• Çrregullime të ndjeshmërisë (ndjesia e paralizës) ose dhimbje në fytyrë ose në shpatulla.
• Dobësi muskularë në krahë
• Ndjenja e paqëndrueshmërisë
• Çrregullime të të folurit
• Çrregullime të shijes
• Çrregullime të gjumit
• Pas një aksidenti ose pas një shëmbjeje të pjesës së qafës të shtyllës kurrizore, me shfaqjen shoqëruese të simptomave të mësipërme, i aksidentuari duhet të konsultohet menjëherë nga një mjek.

Situata e urgjencës

Në rast se i aksidentuari paraqet të përziera, të vjella ose humbje të ndërgjegjes, duhet të njoftohet menjëherë një mjek ose të telefonohet shërbimi i ndihmës së shpejtë (urgjenca mjekësore).

Diagnoza e traumës nga hedhja vendoset në bazë të:

• Simptomave të pacientit
• Informimit të mjekut në mënyrë të detajuar me rrethanat e aksidentit ose ngjarjen përgjegjëse për shtrirjen e sforcuar dhe të papritur të pjesës së qafës të shtyllës kurrizore.
• Egzaminimit fizik (trupor) të pacientit
• Radiografisë së pjesës së qafës (cervikale) të shtyllës kurrizore, për të përjashtuar një thyerje të vertebrave në atë zonë.
• Rezonancës magnetike

Trajtimi i traumave nga hedhja është vetëm simptomatik, pra konsiston vetëm në qetësimin e simptomave.

Mënyra të tjera të trajtimit

Në pacientët me trauma nga hedhja, është pothuajse i paevitueshëm trajtimi i përkohshëm me medikamente kundër dhimbjeve (antialgjikë). Ai synon gjthashtu evitimin e kontrakturave muskulare. Gjthsesi, vetëmjekimi me të tilla medikamente, ose me medikamente kundër reumatizmës, është kategorikisht i ndaluar, për shkak të rrezikut të zhvillimit të varësisë ose të shfaqjes së rezistencës ndaj efektit qetësues të tyre.

Mënyra të tjera alternative

• Fizioterapia, me programet e riaftësimit në kushte shtëpie
• Terapia me baltë
• Gjimnastika
• Akupunktura