Nëse niveli i sheqerit në gjak bie nën një kufi të caktuar (40-50 mg/dl ose 2.22-2.78 mmol/l), bëhet fjalë për hipoglicemi.

Pankreasi prodhon Insulinën, e cila rregullon ekuilibrin e sheqerit. Nëse ka shumë insulinë ose shumë pak sheqer, sheqeri në gjak do të bjerë nën vlerat normale.

Kjo ndodh në pacientët me:

• Ulje të funksionit të gjendrave mbiveshkore (Sindroma Adison)
  
• Hipotireozë
• Ulje të funksionit të mëlçisë
• Kancer
• Tumore në pankreas që prodhojnë insulinë (insulinoma)
• E zakonshme: përdorimi i gabuar i ilaçeve të diabetit (insulina, tabletat)
• Hipoglicemia reaktive, si një “reagim” i tepruar pas një vakti të ngarkuar me karbohidrate.

• Ulje e performancës
• Ulje e përqëndrimit
• Djersë të ftohta,  dridhje
• Rrahje zemre
• Ndjenjë urie
• Shqetësim
• Lodhje trupore
• Shikim i turbullt
• Çrregullimet e vetëdijes
• Krampe,  paraliza, humbje e vetëdijes& nbsp;= Emergjente

• Gjendja e personit të prekur
• Historia mjekësore dhe simptomat e tij
• Monitorimi i glukozës në gjak

E rëndësishme është të zbuloni shkakun e hipoglicemisë dhe ta trajtoni atë në mënyrë që të mos ndodhë më, sepse mund të jetë kërcënuese për jetën.

Pacienti vëren një hipoglicemi të lehtë. Një ose dy kuba (10-20 gramë) glukozë, një gotë me lëng frutash, një kola (jo dietike) ose limonatë me sheqer ndihmojnë shumë. Shenjat zhduken pas disa minutash. Kur dyshoni, është më mirë të merrni më shumë sesa të mos mjaftojë, sepse nivelet e larta afatshkurtra të sheqerit në gjak nuk shkaktojnë asnjë dëm, vlerat shumë të ulëta mund të jenë kërcënuese për jetën.

Sheqeri shumë i ulët në gjak (shoku hipoglicemik) me vetëdije të dëmtuar: pacienti menjëherë ka nevojë për ndihmë urgjente mjekësore. Nëse pacienti nuk është më i vetëdijshëm, mënyra më e shpejtë për ta ndihmuar është duke injektuar hormonin glukagon, i cili transporton glukozën e nevojshme nga depot e trupit për në gjak. Injektimi i Glukagonit duhet t'u mësohet familjarëve nga një specialist.

Personeli mjekësor do të ndihmojë më pas duke futur glukozën në rrugë intravenoze, në kushte spitalore ose në kushtet e shtëpisë.

Hipoglicemisë së rëndë duhet t'i kushtohet vëmendje e menjëhershme mjekësore - duke njoftuar shërbimin e urgjencës - pasi ekziston një rrezik akut i  krampeve (ngërçeve), dëmtimit të trurit dhe vdekjes.

Ata që vuajnë nga hipoglicemia duhet të masin rregullisht nivelin e sheqerit në gjak dhe të hanë disa vakte të vogla në ditë, pra shpesh nga pak.