Menstruacionet e femrës tregojnë fundin e një cikli menstrual dhe fillimin e një cikli tjetër, pasardhës. Nëse periudha e fertilitetit të femrës nuk kurorëzohet me një shtatzani, mukoza e mitrës, që do të priste vezën e fekonduar, shkolitet dhe eleminohet nga vagina. Ky proçes mund të jetë i dhimbshëm ose jo. Në rast se menstruacionet bëhen të dhimbshme në një moment të caktuar, kur më parë kanë qenë të padhimbshme, duhet konsultuar mjeku gjinekolog, për të përjashtuar ndonjë problem të mundshëm të fushës gjinekologjike.