Bakteriet Listeria mund të shkaktojnë infeksione të rënda.

Ato ekzistojnë në natyrë, në formën e shufrave, dhe mund të shkaktojnë një sëmundje infektive tek njerëzit, që quhet Listeriozë. Njerëzit preken nga nën-kategoria Listeria monocytogenes.

Në shumicën e rasteve, bakteret e listerias transmetohen nga ushqimet e papërpunuara me origjinë shtazore.

Për personat e rritur, që janë të shëndetshëm, listeria paraqet rrezik minimal. Për të moshuarit ose personat me imunitet të dobësuar, si dhe për fëmijën gjatë shtatzënisë (shpesh nëna nuk e vë re infeksionin), listerioza mund të çojë në probleme serioze, duke rrezikuar jetën e tyre.

Bakteret Listeria transmetohen drejtpërdrejt tek njerëzit nëpërmjet ushqimeve të mëposhtme:

• Qumështi i papasterizuar, p.sh. djathi
• Djathi i mykur
• Djathi i bardhë, gjiza
• Mishi i papërpunuar (mishi i grirë, mishi i tharë)
• Produktet e mishit të tymosur, pateja (salca me mëlçitë e viçit, derrit, pulës ose gjelit)
• Mishi i pagatuar mirë (shpendët kryesisht)
• Peshku i papërpunuar dhe i tymosur
• Produktet e paketuara, të gatshme për t’u konsumuar (sallata me patate)
• Sallatat, lakra dhe frutat e paketuara

Bakteret janë shumë rezistente dhe mbijetojnë edhe në frigorifer, në temperatura rreth 4°C!

Infeksioni indirekt ndodh nëpërmjet kafshëve të sëmura (dele, dhi, derra, zogj, lepuj, etj.), ose nga toka bujqësore e kontaminuar. Listerioza transmetohet seksualisht. Gratë shtatzëna i transmetojnë bakteriet tek fëmija i tyre përmes placentës ose gjatë lindjes.

Personat më të rrezikuar për t’u infektuar nga bakteriet Listeria janë:

• Individët me imunitet të dobësuar (të infektuar me HIV, pacientët me diabet të sheqerit apo pacientët që i janë nënshtruar transplantit)
• Fëmijët gjatë shtatzënisë (infeksioni transmetohet nga nëna tek fëmija gjatë shtatzënisë).

Periudha e inkubacionit (koha ndërmjet momentit të infektimit dhe shfaqjes së simptomave) mund të zgjasë nga tre ditë deri në dy muaj.

Simptomat në personat e rritur, që janë të shëndetshëm

Në shumicën e njerëzve me sistem imunitar normal, listerioza është ose  asimptomatike& nbsp;(pa simptoma) ose shkakton simptoma të lehta, si ato të gripit, që mund të shoqërohen me shqetësime të lidhura me  zorrët& nbsp;dhe elemente në lëkurë (pustula), në zonën e duarve, kur bakteri ka rënë në kontakt të drejtpërdrejtë me trupin.

Simptomat dhe ndërlikimet në personat me imunitet të dobësuar

• Septicemia, në të cilën bakteret hyjnë në organet e trupit përmes qarkullimit të gjakut.
• Encefaliti dhe meningjiti: me  temperaturë të lartë, dhimbje koke, të përziera, të vjella
• Formimi i abcesit në organe

Simptomat gjatë shtatzënisë

• Nëna mund të ketë simptoma të ngjashme me gripin dhe ndoshta probleme të tretjes (gastro-intestinale). Transmetimi tek fëmija në shtatzëninë e hershme mund të çojë në abort dhe lindje të parakohshme.

Simptomat tek fëmija pas lindjes

• Gjendje e keqe e përgjithshme, apati, refuzim për të kapur gjirin
• Elemente në lëkurë, zakonisht të përhapura në të gjithë trupin
• Konvulsione (dridhje të përgjithshme të trupit)
• Splenomegalia (zmadhimi i shpretkës), hepatomegalia (zmadhimi i mëlçisë)
• Septicemia

Ndërlikime që mund të rrezikojnë jetën e pacientit: 

Mjeku e përcakton diagnozën e Listeriozës duke u bazuar tek:

• Historia personale e pacientit, përfshirë edhe simptomat e tij
• Identifikimi i bakterieve të Listerias në sekrecione të trupit: të gjakut, feçes, lëngut amniotik, sipas rastit edhe të lëngut truno-shpinor
• Identifikimi i antitrupave në gjak
• Në varësi të rastit, identifikimi i listerias në ushqime.

Listerioza trajtohet me antibiotikë.

Për të parandaluar një infeksion të mundshëm nga Listeria:

• Shmangni kontaktin e afërt me kafshët
• Shmangni konsumimin e të gjitha llojeve të mishit dhe produkteve të qumështit në gjendje të papërpunuar
• Shmangni konsumimin e perimeve të fekonduara me pleh organik
• Përgatisni veçmas mishin dhe perimet

Masat e higjenës

• Pastroni me shumë kujdes duart, si dhe enët për gatim
• Siguroni higjienë maksimale në frigorifer dhe vendosni temperaturën në të paktën 4°C.