Ethja hemorragjike është një sëmundje virale e rëndë, që manifestohet me një tendencë të theksuar për gjakrrjedhje.
Ajo shfaqet vetëm në zonat tropikale ose subtropikale. Virusi shkaktar i saj mund të transmetohet nga njeriu tek njeriu.

Në të përfshihet:

• Ethja Ebola dhe ethja Marburg, që transmetohet nëpërmjet kontaktit të drejtpërdrejtë.
• Ethja Lasa, që transmetohet nëpërmjet kontaktit me jashtëqitjet e kafshëve.
• Ethja tropikale, që transmetohet nëpërmjet  pickimit nga mushkonjat.
• Ethja e verdhë, që transmetohet gjithashtu nëpërmjet  pickimit nga mushkonjat.
• Ethja e Kongos, që transmetohet nëpërmjet pickimit nga këpushat.
  

Periudha e inkubacionit (nga momenti i infektimit deri në shfaqjen e simptomave të para) për ethen hemorragjike zgjat disa ditë. Simptomat janë të ndryshme, në varësi të tipit të ethes. Gjithsesi, ato kanë edhe simptoma të përbashkëta, si: 

• Temperatura tepër e lartë
• Dhimbjet
• Të vjellat
• Diarrea
• Prania e gjakut në urinë / prania e gjakut në jashtëqitje
• Përkeqësimi i gjendjes së përgjithshme të pacientit
• Dëmtimi i funksionit të veshkave (insuficienca renale) me gjendjen e shokut.
• Konvulsionet (krizat epileptike) dhe paralizat e mundshme.
  

Ndërlikimet e mundshme të ethes hemorragjike janë:

• Dëmtimi i funksionit të veshkave (insufiçienca renale) dhe gjendja e shokut
• Paralizat dhe konvulsionet (krizat epileptike)
  

Masat kryesore  parandaluese për ethen hemorragjike janë:

• Vaksina e ethes së verdhë, që është e vetmja vaksinë e disponueshme për ethen hemorragjike, por duhet të përdoret vetëm me rekomandimin e mjekut.
• Duhet të evitohen zonat e rrezikut për infektimin nga ethja hemorragjike.
• Duhet të evitohet pickimi nga mushkonjat dhe këpushat, duke përdorur veshje të gjata dhe të trasha mjaftueshëm.
• Duhet të evitohet kontakti me personat e infektuar.
• Duhet të evitohet kontakti me jashtëqitjet e kafshëve dhe të respektohen plotësisht rregullat e higjienës.