Në këtë sindromë, infeksioni shkaktohet nga bakteri Stafilokokus aureus. Ajo është e rrallë, dhe ndodh mesatarisht tre herë gjatë 1 milionë vjetëve femërorë (të femrave).

Bakteriet hyjnë në organizëm gjatë menstruacioneve, nga tamponet e futura në vaginë. Kështu, nëse tamponi qëndron shumë gjatë në vaginë, bakteriet depërtojnë në organizëm përmes mukozës (shtresës së thellë) vaginale. Gjithashtu, si pikë e hyrjes së bakterieve mund të shërbejë edhe diafragma vaginale (pajisje që vendoset në vaginë për të penguar shtatzaninë), madje edhe plagët e tipit:

• Prerje
• Djegie
• Pickime nga insektet
• Kirurgjikale (pas operacionit)
  

Sindroma e shokut toksik mund të manifestohet me këto simptoma:

• Temperaturë e lartë (>39°C)
• Të përziera dhe të vjella
• Diarre
• Dhimbje të muskujve
• Çorientim, turbullime të ndërgjegjes
• Rënie e tensionit arterial, që mund të shoqërohet nga humbja e ndërgjegjes (urgjencë mjekësore !)
• Skuqje dhe plagë në lëkurë, sidomos në nivelin e pëllëmbës së duarve dhe tabanit të këmbëve.
• Sindroma e shokut toksik përfaqëson një urgjencë mjekësore, që ka nevojë për shtrim të menjëhershëm në spital!
  

Për diagnostikimin korrekt të sindromës së shokut toksik, janë të nevojshme:

• Njohja e menjëhershme e mjekut me simptomat e pacientes, me historinë e fillimit të tyre, veçanërisht lidhur me përdorimin e tamponëve gjatë menstruacioneve, përdorimin e diafragmës dhe episode traumash në të kaluarën.
• Identifikimi i bakterieve nëpërmjet strishos vaginale (materialit të marrë me tampon nga vagina).
  

Trajtimi korrekt i kësaj sindrome mund të kryhet vetëm në kushte spitalore.

• Tamponet të futen në vaginë me anën e mjeteve përkatëse (jo me dorë), të ndërrohen shpesh dhe nëse është e mundur, të përdoren peceta higjienike gjatë natës.
• Të përdoren tampone shumë përthithës
• Të tregohet kujdes për higjienën e duarve.